سموحة يا وطن مقدر على كتمان كتماني
كتمت الحب في داخل خفوقي لين جاب العيد
على صدري و انا الي ما تحديته تحداني
لك الله ما أحبك حب يهلك فيه عمرو و زيد
أنا أحياناً أحس الوصف صعب يكون بلساني
لك الله قلبي أخضر تنطبع به كلمة التوحيد
و لك سيفين من عدلك و نخلة ظلها حاني
لك الله خارطتك أبقت بقلب العاشق التحديد
عسيري ذا و عجمي ذا ذا شهري ذاك قحطاني
لك الله يا وطن حتى النماص أعرفه قرن و حيد
ذي الجهوة ذي السهوة ذا ترج و ذاك سحباني
انا الألتغ و لكن دون حدك يكثر التزبيد
صحيح معاق لكن دون حدك بأركب حصاني
طغى حبك بقلبي و أستباح الجرهدي البيد
و أخاف استغفر الله من غلوٍ حاف وجداني
أحبك والله أحبك و معيار الغرام يزيد
و كاد يفجر عروقي غلا و يسيل دماني
يسيل الدم وين ؟! و بيتي الفاره حطب و حديد
على الشارع ! على القارع ! على همي على أحزاني
ما ودي ينتثر دمي على شيء رخيص زهيد
لأنك فيه من حد الشمال الين نجراني
بلاك الله بحب قلوب عميا ترفض التجديد
يشوفونك فتي و أنت الكهل بامراضك تعاني
و لكن سنّة التلخيص ترفض سنّة التفنيد
و انا ما بينها الشب الغيور و حبك أدماني
قصيدة / سموحه ياوطن والمعدزه على الكلام
التعليقات